الخميس، 4 سبتمبر 2008

حلل اللي على مزاجك وحرم اللي على مزاجك

السبب الرئيسي اللي خلاني أكتب البلوج دة اني قرأت بعض البلوجات لبنات مثلية ولاحظت ان الناس مستائين أوي انها كاتبة بلوج ومش قايله حتى هي مين بتكتب عن حاجة فيها جواها و حاسة بيها بس عجزت عن مقاومتها و الناس عمالين يهنوها و يشبهوها بالعاهرات!

اني لا أجاهر بصوتي وأقول ان السحاق حلال و لازم تتقبلوني كوني كذلك ,,ولكن المشكلة الرئيسية ان المجتمع بيعتبرهم كفار و في النار وانهم مجرمين !!

أولا هناك فرق بين السحاق واللواط و الشيوخ أجمعوا على كدة
دة حاجة و دة حاجة و لا يوجد أي علاقة بين الاتنين وبالرغم اني سحاقية بس انا لا أعتبر ان اللواط ده حاجة كويسة وأعتبره جريمة كمان لان عرش الرحمن بيتهزله ولأن درجة حرمته ذكرت في القران!
ولأن اللواط بتضمنه أماكن محرمة اصلا حتى بين الرجل و المرأة وحتى في القران ذكر عن جريمة اللواط أما السحاق لم يذكرغير في قوله
" و اللاتى يأتين الفاحشة من نسائكم فاستشهدوا عليهن أربعة منكم فإن شهدوا فأمسكوهن فى البيوت حتى يتوفاهن الموت أو يجعل الله لهن سبيلا ( 15 ) و اللذان يأتيانها منكم فآذوهما فإن تابا و أصلحا فأعرضوا عنهما إن الله كان توابا رحيما (16 وقال في الاخر والله تواب رحيم أظن ممكن تشوفوا الفرق بين الايتين تدل ان الاتنين ماينفعش نقارنهم ببعض, بعض الأحاديث الحسنة حتى غير صحيحة
دة زاثد كمان ان لكل جريمة من الجرائم اللي حرمها الله تحريم شديد لها حد ,يعني حد السرقة قطع اليد,حد الزنا 80 جلدة,حد اللواط يقفوا عند سور ويتهد عليهم ...ووو ..أما السحاق فليس له حد أساسا!!!!
ومع ذلك مازلت لا أقول ان السحاق حلال ,هو غير حلال و لكن مش بحرمة اللواط والجرائم الأخرى!!! يعني أنا بدعي الله ان يهديني ان شاء الله بس ده مش معناه ان الناس تعتبرني عاهرة عشان كدة!

أ صل السبب اللي مخلي المجتمعات العربية من ضمن دول العالم الثالث لأن طريقة حياتهم و حكمهم على الناس طريقة بهيميه معتمدة على العادات و التفاليد بشكل اساسي وليس لها الا علاقة بسيطة أوي بالدين !!
بمعنى ان الله سبحانه وتعالى أنعم على أمتنا العربية بنعمة الإسلام و هو دين الكمال يعني لو كنا بنطبق قواعد الدين الاسلامي زي مانزل بالضبط ماكانش بأة ده حالنا
ولكن مع الأسف نحن أمة ماشية حسب هواها (الا من رحم ربي) بناخد اللي يعجبنا ونسيب اللي مش عاجبنا ودة ربنا اتكلم عن الناس دة في القران كتير يعني, قسم منهم يحلل ما حرم الله و يحرم ما حلله و القسم التاني بيقسم المحرمات
لجزئين
1_ جزء عادي ومش مشكلة اننا نعمله مع انه بيكون في لعن وطرد من رحمة الله ووعيد و حد
2_ جزءشديد الحرمةو مع ان ممكن تكون محرمات بنفس درجة الجزء الأول أو حتى أقل منها في الخطورة بيعتبروهم مجرمين ولازم يتقتلوا عشان الدنيا تخلص من شرهم !!يعني من الاخر هواهم هو اللي بيحدد اذا كان درجة الحرمة حرام اوي ولا نص نص

يعني الخمر اللي ربنا حرمها مرات عديدة في القران و لعن الله شاربها .وساقيهها و حاملها ووو (راجع الحديث) ولعن يعني طرد من رحمة الله و مع ذلك عادي أن الناس يشربوه ويجيبوه في الأقلام و الأغاني أكننا خواجات بنعيش عليه زي المية مع ان حد الخمر ثمانين جلدة دة بالإضافة الى ضربه بالجريد و النعال أربعين مرة بس انه اصبح عادي لكن أول اما عملوا فيلم حين ميسرة بس عشان مشهد مثلية حتى ما كانش فيه اي تفاصيل عملوا حكاية وان مصر فسدت , هي جت على ده يعني اللي افسدت مصر؟

و لا التدخين ما هو حرام قياسا بقوله ولا تلقوا بأيديكم الى التهلكة وبقوله ( ويحرم عليهم الخبائث) ومع ذلك الناس معنبرينها حاجة حلال و بقيت من الضروريات
ونتف الحواجب قول الرسول فيما معنا (لعن الله الناتفات ) و مع ذلك مافيش واحدة في مصر مش يتنتف الا من رحم ربي و الموضوع عادي
نيجي لأكبر الكبائر وهو الزنا لمافيه من اختلاط انساب و اضرار كثيرة في المحتمع و امراض
ربنا حرمه على الجنسين و الاتنين ليهم نفس العقوبة في الاسلام و مع ذلك في بلادنا العربية و خاصة في مصر الولد عادي انه يصاحب واحدة و يزني معاها اويصاحب بنات كل يوم و اهله يكونوا عارفين ومع ذلك يقولك يلا مسيره يكبر و يعقل .عارفين ليه ؟ عشان ما بيبانش عليه ..لكن البنت لو عملت الجريمة ده أو حتى بس صاحبت ولد فقط للزواج به ده تكون مصيبة لأن ماحدش هيرضى يتجوزها و هتتضطر تقعد في قرابيزهم و تعنس و الناس هيتكلموا عليهم بــــــــس هو ده اللي مزعلهم أوي مش عشان يعني ربنا نهى عنه و لا حاجة

اللي هو يإما تكونوا أمة اسلامية بجد و تكنوا ضد كل ما حرم الله و مع كل ما حلله أو ماتعملوش فيها بأة شيوخ و انتوا بتحرموا اللي على مزاجكم وبتحللوا اللي على مزاجكم
وفي النهاية يعني كلنا بشر وكلنا بنغلط فمش معنى اني مش قادرة ابعد عن عادة معينة زي اللي مش بيعرف يبطل السجاير و اللي مش بتعرف تتحجب او مش بيعرف يبطل الكحول والميسر و بيقولولك على كل ده حرية شخصية طيب ماهو اختيار الشخص اللي بنرتاح معاه برضه حرية شخصية ولا هو بس كلام حسب الكيف وخلاص!
وربنا يغفرلنا كلنا ويرحمنا


هناك 21 تعليقًا:

غير معرف يقول...

اولا احب اهنيكي علي بدايه دخولك لعالم التدوين
واسمحيلي اقولك كل سنه و انتي طيبه بمناسبه رمضان و ينعاد عليكي بالخير و السعاده

لو تسمحيلي اني اتكلم و اعلق علي اللي قولتي عليه و طبعا اختلاف الرأي لا يفسد للود قضيه زي مابيتقال

للأسف احنا و بقصد بينا كبشر سواء مثليين او مثليات او مغايرين الجنس في كتير من الأوقات بنرفض اللي مختلف عننا
يعني المغايرين معتبرين ان المثليه دعاره و ان المثليين و المثليات ناس كل همهم الجنس و بس و مابيعترفوش بالحب
انتي اعتبرتي اللواط جريمه بشعه و بيتهزلها عرش الرحمن كما ذكر في القران و برضه مااعتبرتيش ان السحاق حلال علي اساس ان حتي الاحاديث اللي اتكلمت عن السحاق ماكانتش قويه و كانت احاديث ضعيفه
تعالي نتكلم من منظور انساني انتي قولتي انك حاولتي تتغير و ماعرفتيش لانك لاقيت نفسك كده مولوده كده
اوكي برضه المثليين اتولدوا لقوا نفسهم كده
الأديان السماويه المعترف بيها ادانت المثليه سواء للرجل او الأنثي ده شئ مفروغ منه
انا مش بدافع عن اللي بيقوله الدين ده رأي الدين
لكن ايه رأي الانسانيه ؟
احنا كمثليات ساعات بنكون قاسيين علي بعضنا و زي مابيهاجمونا المغايرين احنا كمان بنهاجم بعض
اسفه لو كنت طولت في كلامي بس انا حبيت اقول ان المثليين زيهم زي المثليات من حقهم يعيشوا و يكون ليهم حياه و حد يحبوه و يحبهم و في الاخر مش احنا اللي حنحاسب الناس
تحياتي و كل سنه و انتي طيبه و اتمني مااكونش زعلتك في اي كلمه قولتها

مذكرات عذراء مثلية يقول...

أنا معاكي في كل كلمة قولتيها و بالعكس كلامك عجبني جدا
انا عارفه ان الرجال المثليين زيهم زينا بس انا المشكلة اللي بتكلم عليها دلوقتي ان اما حد يحب يتكلم على المثليين دايما بيعتبروا ان المثليين و المثليات واحد وليهم نفس العقوبة حتى في برامج التلفزيون بيجيبوا الجنسين و بيعتبروهم واحد و انا القضية اللي انا بتكلم فيها ان المثليات حاجةو اللمثليين حاجة تانية خالص واعتبارهم حاجة واحدة ده سطحية و جهل و لو كانوا واحد ليه ماسمهمش لوطيات و لوطيين مثلا او العكس؟
وانا مع ذلك مابضهدش أي شخص مختلف لان حن في النهاية كلنا بشر و كلنا بنغلط والشارع المصري كله بلاوي بس ربنا ضرب باللي زينا المثل في سورة البقرة يأمرون الناس بالبر وينسوا انفسهم

غير معرف يقول...

عزيزتي

أشكرك علي ذوقك و سعيده اننا اتفقنا
للأسف ياعزيزتي اغلبيه البرامج التي تتناول الحياه المثليه في العالم العربي بتكون محكومه بعادات و تقاليد المجتمع و بيبتدوا يخلطوا الحابل بالنابل و بتلاقيهم في كل البرامج لا يتعاملون بحياديه بل دائما يهاجمون المثليه و بيعتبروا ان المثليين و المثليات مرضي
اكيد سمعتي عن المدعو اوسم وصفي اللي فتح عياده لعلاج مرضي الشذوذ الجنسي كما كتبوا عن العياده

الكلام اللي بتقوليه صح عزيزتي كل جنس و له مشاعره و احاسيسه المختلفه و اللي يطلع يتكلم في التليفزيون و يحلل اي شخصيه لازم يكون علي درايه كامله بنفسيتها و كل مايدور حول الشخصيه اللي بيتكلم عنها لكن اللي بيحصل عندنا في التليفزيون العربي مهزله بكل المقاييس
غير متخصصيين بيتكلموا و يحللوا و يحرموا و زي ماقلتي تلاقيهم بيعملوا حاجات بش في الضلمه لكن قدام الناس غايه في الورع

تحياتي ليكي و اشكرك علي نقاشك المميز

غير معرف يقول...

انا انسان عادى مريت بتجارب كتير وكل اللى اقدر اقوله لكم حسبى الله ونعم الوكيل

مذكرات عذراء مثلية يقول...

اسعدني تفهمك لكلامي وشكرا على تشجيعك
وبالنسبة للاستاذ الغير معرف ياريت يكون اسلوبك في التعبير اوضح من كدة عشان رأيك يكون مأخوذ في الاعتبار والناس تفهم انت عاوز تقول ايه بالضبط او انك تكتفي بعدم التعليق و كل اللي أقدر أقوله ليك لاحول ولا قوة الا بالله!

غير معرف يقول...

excuse me

معلش كنت معدى بالصدفه و شفت حاجه حبيت اعمل عليها كومنت سريع

بالنسبه لعدم ذكر السحاق فى القرآن

بسم الله الرحمن الرحيم

" و اللاتى يأتين الفاحشة من نسائكم فاستشهدوا عليهن أربعة منكم فإن شهدوا فأمسكوهن فى البيوت حتى يتوفاهن الموت أو يجعل الله لهن سبيلا ( 15 ) و اللذان يأتيانها منكم فآذوهما فإن تابا و أصلحا فأعرضوا عنهما إن الله كان توابا رحيما (16 )

صدق الله العظيم

دى حضرتك الآيات 15 و 16 من سورة النساء


و أنا مش كاتب الكومنت علشان اقول رأيى أو أناقش أنا بس كاتبها للأمانه

شكرا" تقبلى مرورى

بالتوفيق,

د. محمد رضا يقول...

كلامك فيه ريحة السعوديه

واضح انك معادله سعوديه

وكمان قعدتي بتاع 10 سنين مثلا

ربنا يهديكي بجد

حاولي تقومي نفسك عشان كدا حرام

والاصرار على المعصيه الصغيره

يخليها ايه ... انتي دارسه وعارفه

ناردين يقول...

صديقتي
أولاً أسعدني الحظ أن أمرّ هنا
عجبني أنكِ تفكرين بصوت عالي وتعطي لعقلك مساحة للنقاش
وموافقاكي في كتير من كلامك وان كانت ليا نظرة مختلفة شوية
رأيي ببساطة ان البشر يخرجوا نفسهم من محاكمة البشر
يعني ان كل انسان يحاكم الآخر بحسب تفكيره هو وايمانه هو ومعتقداته هو ومع الاسف كلنا بنقع في دا بشكل او بآخر وبدرجات متفاوتة
الافضل نسيب حساب الخلق للخالق
ومعاكي اننامش بندعو لحاجة لان دي اصلا طبيعتنا احنا كده محدش خلانا كده ولا احنا عايزين حد يبقى كده (مش من قلتهم ) :)

ومن هذا المنطلق أنا مقتنعة ان كل انسان حر انه يكون نفسه طالما مش بيضر غيره او بيفرض ارادته ضد ارادة شخص اخر

وياريت قبل ما الناس تهاجم المثلية تقرا وتعرف يعني ايه هوية جنسية وان دا شيئ مش عجيب ولا شاذ وموجود سواء رضوا او لأ
تحياتي ليكي واسفة للرغي بس حبيت مساحة التفكير والكلام عندك
ومبروك على المدونة وتحياتي لوجودِك

dodda يقول...
أزال المؤلف هذا التعليق.
Unknown يقول...

معك بكل كلمة
لاحظي موافقة البنات على مقالتك
وتهجم الذكور
وكالعادة .. الذكر هو اول المتهجمين على موضوع المثلية لسبب متعلق بتملكه للإناث .. وقصص الرجولة البالية

على كل حال إنتي بنت عارفة شو بتحكي
وانا معك وبشد على ايدك ..
تحياتي

د. محمد رضا يقول...

على ايديها برضو

طيب

ربنا يشفي

Osama_1200 يقول...

علي فكره كلامك كويس وفيه صراحه جميله وده في حد ذاته شئ كويس اكيد ... غير ناس كتير تتظاهر باشياء وهما مختلفين تماما ... ولكن هذا الاحساس قد يحدث كثيرا ليس للبنات فقط ولكن للشباب ايضا ... ولكن حسب راي الشخصي انه يكون في سن ومرحله معينه وهي عدم نضوج الشخصيه واكتمالها .. وغالبا يكون في البدايه ليس لسبب جنسي .. قد يكون انجذاب للشخصيه ... او لطريقة الكلام .. او للشكل ... ويتحول الاعجاب بعد ذلك الي اشياء جنسيه ... بس صدقيني ... من السهل جدا ان نجد مانصبوا اليه من الجنس الاخر بطريقه رسميه او حسب الشرع والعادات والتقاليد ... ولكن هناك عوامل كثيره قد تؤثر علي ذلك .. منها الجو العام .. والنشأه .. ودرجة الثقافه واهم شئ هو مدي قوة تقربنا من الله سبحانه وتعالي ... فنحن جميعا بشر ولسنا ملائكه ولدينا اخطاء كثيره ... حاولي ان تجاهدي نفسك باي طريقه تشعري انها مناسبه لكي وانتي ادري بذلك وليس طرف اخر ... وجربي ان تنجذبي الي طرف اخر (شاب اقصد) واعتقد انك سوف تجدي ماتبحثين عنه بطريقه رسميه واكثر من ذلك دون اي تأنيب للضمير او تحقير للذات ... وربنا يوفقك .. وتحياتي لكي ومش تزعلي من كلامي قد يكون قاسي ولكنه اولا واخيرا رأي شخصي ليس ألا

غير معرف يقول...

اولا اشكرك على هذا الموضوع و أرجو أن تأخذي تعلقي بإجابية .لم تدافعي على الموضوع جيدا لأنك إنتهيت في الأخير بأن الإحساس المثلي غلط.لكن الحب لا يعرف لا المثلي او السوي.المثلية احساس صافي صادق لا يعرف هذا الا من عاشوه.وسوف اقنعك بذلك في موضوع جيد.شكرا

غير معرف يقول...

لا حول ولا قوة بالله ربنا يهديكي يا اختي السحاق واللواط وكل ما يخرج عن الطبيعة حرررام ولا نقاش فيه الشيطان بيزين لك السحاق عشان يجرك للنار والعياد بالله وامام ربنا في يوم الميعاد يتنكر لك ويقول لك اني اخاف الله رب العالمين يا اختي الدنيا زائلة نحن خلقنا فيها لنعبد الله ونال رضاه .ليه تقضي حياتك الفانية في شئ يغضب ربنا وهي ستزول سواء تمتعتي بما انت تحبينه او لا ستفنى ولن ينفعك سوى عملك الصالح جاهدي نفسك لكي تكسبي رضا الله لتنالي الجنة والتي هي افضل من هده الدار الفانية

غير معرف يقول...

ربنا خلقنا لاعمار الارض بالخير والذريه الصالحه لكن حضرتك لما تبقى كدا عمرك ما هتنجبى حتى لو اتبنيتوا طفل الكل هيعمل كدا ومش هيبقى فيه حياه والسلاله هتنتهى وبعدين اللى بتعمليه دا بيسبب امراض وارف لانها حاجه شاذه مش طبيعيه يعنى وعلى فكره انتى عندك خلل نفسى والا لو مولوده بالشعور دا تقدرى تعملى عمليه تحويل جنسى وتبقى راجل وتعملى اللى عايزاه ...وشكرا

غير معرف يقول...

اقرأي يام شخة الله يبتليكي...
..
أجمع العلماء قاطبة على حرمة السحاق بين النساء، وعدّوه من كبائر الذنوب.فقد جاء في كتاب الزواجر عن اقتراف الكبائر الكبيرة الثانية والستون بعد الثلاثمائة: مساحقة النساء وهو أن تفعل المرأة بالمرأة مثل صورة ما يفعل بها الرجل. كذا ذكره بعضهم واستدل له بقوله صلى الله عليه وسلم: السحاق زنا النساء بينهن. انتهى.

وجاء في الموسوعة الفقهية الكويتية: لا خلاف بين الفقهاء في أنّ السّحاق حرام لقول النّبيّ صلى الله عليه وسلم: السّحاق زنى النّساء بينهنّ. وقد عدّه ابن حجر من الكبائر. انتهى

وقد حكى بعض المفسرين أن من أسباب هلاك نساء قوم لوط أنهن كن يفعلن هذه الفعلة الشنيعة، لأنه لما استغنى رجالهم بالرجال عن النساء، ولم تجد النساء من يقضي وطرهن من الرجال استغنى بعضهن ببعض عن الرجال.
جاء في تفسير الألوسي – رحمه الله –: وبدأ أيضاً السحاق في قوم لوط عليه السلام فكانت المرأة تأتي المرأة، فعن حذيفة رضي الله تعالى عنه إنما حق القول على قوم لوط عليه السلام حين استغنى النساء بالنساء والرجال بالرجال. وعن أبي حمزة رضي الله تعالى عنه: قلت لمحمد بن علي عذب الله تعالى نساء قوم لوط بعمل رجالهم فقال: الله تعالى أعدل من ذلك استغنى الرجال بالرجال والنساء بالنساء. انتهى .
فتبين بهذا حرمة هذه الفعلة الشنيعة التي تخالف الفطرة السليمة والتي تنفر منها الأخلاق المستقيمة, ولا ينبغي لمسلم أن يشك في حرمة هذا الفعل, وكيف يشك في ذلك وقد اشتمل على جملة من كبائر الذنوب, فمن ذلك كشف العورات والنظر إليها بغير ضرورة ولا حاجة, ومنها اشتمالها على لمس العورة بشهوة، وهذا كله حرام بإجماع المسلمين.
ففي صحيح مسلم أن رسول الله – صلى الله عليه وسلم –قال: لا ينظر الرجل إلى عورة الرجل، ولا المرأة إلى عورة المرأة، ولا يفضى الرجل إلى الرجل فى ثوب واحد، ولا تفضى المرأة إلى المرأة فى الثوب الواحد.
قال النووي رحمه الله: ففيه تحريم نظر الرجل إلى عورة الرجل ، والمرأة إلى عورة المرأة ، وهذا لا خلاف فيه . وكذلك نظر الرجل إلى عورة المرأة، والمرأة إلى عورة الرجل حرام بالإجماع ، ونبه صلى الله عليه وسلم بنظر الرجل إلى عورة الرجل على نظره إلى عورة المرأة وذلك بالتحريم أولى.انتهى.
أما ما قاله الشيخ المنجد – حفظه الله – فليس فيه من قريب ولا بعيد أن السحاق مباح أو حتى مختلف فيه, وما استنبطه أخوك من ذلك, إما ليٌّ لعنق الفتوى, وتحريف للكلم عن مواضعه حتى يوافق هواه ومشتهاه, وإما جهل وعدم تنبه لمقصود الكلام, فصحيح أن السحاق ليس مثل اللواط، لأن اللواط فيه إيلاج وهذا لا إيلاج فيه, وصحيح أن السحاق ليس فيه حد ولكن فيه تعزير, ولكن هذا كله لا يعني أنه ليس بحرام، ولا أنه من الصغائر كلا, فكم من الكبائر لم يوجب فيها الشرع الحد ولا خلاف في كونها من الكبائر, من ذلك على سبيل المثال لا الحصر: الكذب والغيبة والنميمة وشهادة الزور, فهل يقال في هذه الآثام إنها ليست من الكبائر لأنه لا حد فيها سبحانك هذا بهتان عظيم.
فتبين بهذا أن ما يقوم به أخوك وما يطلبه من استماع للنساء وهن يتحدثن عن هذه الفواحش ويصفنها بكلام مثير حرام لا خلاف في حرمته, وهو من إشاعة الفاحشة في الذين آمنوا وتحريض على المحرمات وإغراء بها, والله سبحانه يقول: إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آَمَنُوا لَهُمْ عَذَابٌ أَلِيمٌ فِي الدُّنْيَا وَالْآَخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ {النور:19} .

غير معرف يقول...

والله لو إني حاكم لجعلتك عبرة العاهرات....
وعبرة أكثر للكاذبات على الله ورسوله....

غير معرف يقول...
أزال المؤلف هذا التعليق.
غير معرف يقول...

بقي لو إنتي ياعاهرة دكتورة هامانك على عورة
أختي..!!!!!!ههههههههههههه

غير معرف يقول...

تخيلوا حسب كلام الشرموطة
إن السحاق حلالن فالبنات تمارس السحاق ...

طبعا الرجال يروحوا لفعل قوم لوط ﻻن النساء
شهوتهن بقت سحاق....
ههههههه عاليها سافلها ...

Fuck to world يقول...

معلش بس هو حضرتك رائيك يسوي ايه جمب رايك او راي مفيش حاجة اسمها راي الانسانية بلاش شوية الفلسفة يخلوكي تعتقدي حاجات ملهاش اصل من الوجود وتسميات وخلاص